Të ndodhur të dy në Bruksel, në një rrethanë rastësore, Rama e Basha kanë përcjellë kumte të kundërta në lidhje me të pozitën momentale të Shqipërisë në gjykimin e BE-së.
Kreu i Komisionit Europian, Jean Claude Juncker, pas takimit me Ramën, arriti deri në pikën kur tha se do rekomandonte hapjen e negociatave, sipas tij, për rezultatet e arritura nga Shqipëria – lexo, nga qeveria
“Jemi në pikën ku mund t’i rekomandoj Këshillit hapjen e negociatave me Shqipërinë. Nëse vijojnë rezultatet pozitive, synoj t’i propozoj këshillit hapjen e negociatave. 6 muajt e fundit do të jenë thelbësore për të ardhmen e Shqipërisë. Biseduam me kryeministrin Rama për arritjet e muajve të fundit. Na kanë lënë mbresa reformat e realizuara në Shqipëri”, tha diplomati i lartë i Brukselit.
Ndërsa nga ana tjetër, kreu i opozitës Basha, e ka përcjellë me nota gri raportin aktual të Shqipërisë me Europën.
“Takova në Bruksel Presidentin e Partisë Popullore Europiane, Joseph Daul. Pozita e vështirë në të cilën qeveria e ka vënë Shqipërinë dhe integrimin e saj europian, ishte tema kryesore e takimit. Falenderova Presidentin Daul si një nga zërat e parë të Europës që denoncoi kriminalizimin dhe fenomenimin e kanabizimit të Shqipërisë. Z. Daul garantoi mbështetje të plotë të PPE-së për Partinë Demokratike si alternativë qeverisëse”, shkruan Basha në një status në FB. /tesheshi.com/
