Mes kryeministrit Rama dhe kryeopozitarit Basha vijon një betejë mediatike lidhur me një operacion qeveritar në ndihmën ekonomike.
Shefi i qeverisë pretendon se kjo ndihmë po iu ndërpritet atyre që iu është dhënë me pa të drejtë, për t’ju kaluar atyre që vërtet e meritojnë.
Postimi më i fundit Ramës, konsiston të përcjellë me shembuj konkretë se çfarë ka ndodhur me ndihmën ekonomike.
“Lart vila e K.S në Bulqizë që deri dje merrte çdo muaj ndihmë ekonomike dhe poshtë shtëpia e Z.J po në Bulqizë që nuk përfitonte ndihmë ekonomike. Me skemën e re, K.S është përjashtuar dhe Z.J është përfshirë në skemë.
Fotot tregojnë qartë se cila nga kto dy familje është në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare”, shkruan Rama.
Por nga ana tjetër Basha e ka parë operacionin qeveritar deri dhe si kriminal, ku sipas tij të varfërve po iu hiqet dhe kafshata e fundit nga goja.
“Prej 5 vjetesh i perzgjedh Edi Rama kush e merr e kush jo ndihmen ekonomike. Nese ka abuzues, pergjegjesia eshte e tij. Po kjo nuk mund te justifikoje aspak vendimin kriminal per tu hequr buken e gojes 20 mije familjeve qe s’kane asnje mundesi tjeter per te mbajtur frymen gjalle.
Pasi nuk i eci mashtrimi se keta te pamundur preferojne me mire 50 mije leke ndihme se sa nje vend pune me rroge, tani fshihet si skuth pas abuzuesve, a thua nuk eshte vete ky qe ka ndertuar nje qeverisje abuzive, kriminale dhe te korruptuar”, shkruan Basha. /tesheshi.com/
