Kryeministri Rama i dha përgjigje pyetjes se përse nuk ishte dhe opozita e pranishme në procesin e hapjes së negociatave në Bruksel.
Ai dha të kuptuar se do e dëshironte këtë gjë, por që sipas tij e bëri të pamundur vetë opozita.
“Më një format të përcaktuar nga Komisioni për gjithë trupën që do përfaqësonte Shqipërinë në tryezë, natyrisht që mund të kishim kërkuar një ndryshim për të ftuar një përfaqësues apo më shumë se një, por kemi një problem: nuk dimë se kush është kush në anën e opozitës”, u shpreh Rama.
Në fakt ky është një realitet. Ndërsa Berisha ka marrë frenat e PD-së, një pjese të saj, ka një pjesë me Alibeajn, si zëvëndësues i Bashës, të cilët nuk i janë bashkuar Berishës. Mirëpo nuk janë thjesht emra, janë institucion, pasi përfaqësojnë grupin parlamentar të PD-së. Pra, praktikisht PD është e ndarë në dy gjysma, gjë që sjell probleme si në këtë rast të pamundësisë për t’u përfaqësuar si unike. /tesheshi.com/
