Kryeministri Rama paralajmëroi shkrirjen e opozitës pas aktit të djegies së mandateve. Nga Librazhdi, shefi i qeverisë kujtoi të vetmin precedent të ngjashëm që ka ndodhur në fqinjin Itali.
“Vetëm një parti e bërë këtë në vitet ‘20 në Itali dhe ajo parti u shkri. Ashtu do shkrihen edhe ata sepse zgjodhën të tradhtojnë popullin që ua dhanë mandatet”, deklaroi Rama.
Duke shprehur bindjen e fitores në zgjedhjet lokale, Rama i mëshoi tezës se pikërisht ndenja e humbjes e bën opozitën të dalë nga sistemi.
“Dhe zgjedhjet e 2017 i humbën duke qenë në qeveri, dhe jo në pozicione dosido, duke pasur Ministrinë e Financave, Ministrinë e Brendshme, të Shëndetësisë, Arsimit, të gjitha agjencitë e mëdha shtetërore, si edhe drejtorinë e Burgjeve se atë e kanë merak ata dhe përsëri humbën”, theksoi Rama. /tesheshi.com/
