Kryeministri Edi Rama dhe aleati i tij Ilir Meta, i cili është zgjedhur president i vendit, kanë pasur një përplasje live sot gjatë një takimi me veteranë të LANÇ dhe të afërm të tyre
“I jap fjalën presidentit ë zgjedhur, që për hir të së vërtetës, falë talentit politik ka arritur të jetë sot jo vetëm përfaqësuesi juaj dhe joni, por edhe i palës tjetër. Pala tjetër nuk e pohon, por edhe nuk e mohon, por me kohë do të fillojë ta pohojë. Unë po ulem pranë bashkëkryetarit të ri të Aleancës për Shqipërinë Evropiane, shokut tim Petrit Vasili”- tha Rama
Kjo deklaratë e tij ishin në vijim të qëndrimit të Ramës se Meta ka bërë lojën e PD-së dhe i ka krijuar iluzione çadrës së opozitës për bashkëpunim.
Por Meta ia ktheu sërish me një batutë duke i kujtuar se e shihnin ndryshe realitetin.
“Falenderoj ish bashkëkryetarin tim të aleancës pasi unë s’jam më ai vazhdon të jetë, dua të flas fare shkurt. Një nga themeluesit e BE ka thënë që “jetojmë të gjithë nën të njëjtin qiell, por nuk shohim të gjithë të njëjtin horizont”- tha Meta. Meta nuk tha asnjë fjalë për krizën politike. /tesheshi.com
