Çdo vit, 100 pacientë nga Shqipëria që do kenë nevojë për trajtim të spoecializuar, do e marrin këtë falas në Turqi. Eshtë kjo një prej marrëveshjeve të arritura gjatë vizitës së kryeministrit Rama në Ankara, me ftesë të presidentit Erdogan.
Rama ndodhet prej sot në kryeqytetin turk, me një shpurë ministrash, për nënshkrimin e një sërë marrëvashjesh bashkëpunuese, pikërisht më vendin që është bërë mbështetja kryesore gjatë qeverisjes së tij, sidomos në aspekte emergjente, siç qe tërmeti.
Po ashtu, është marrë vendimi që Turqia të restaurojë Xhaminë e Plumbit në Shkodër, ndër simbolet e besimit islam në Shqipëri, e njoftuar kjo nga ministrja e linjës Eva Margariti.
“Një marrëveshje e shumëpritur jo vetëm nga banorët e Shkodrës apo besimtarët myslimanë, por edhe për të gjithë shqiptarët, që e kanë të gdhendur në memorie pamjen e xhamisë së përmbytur nga ujërat. Kësaj kohe po i vjen fundi dhe ato imazhe do të jenë vetëm një kujtim”, shkroi Margariti. /tesheshi.com/
