Lulzim Basha dhe Edi Rama ddo të jenë në orën 10.00 në Presidencë me Bujar Nishanin në mëngjes, por në pozicione diametralisht të kundërta dhe madje me një dyzime kushtesh shtesë nga ana e opozitës.
Pas 75 ditëve futje në çadër nga opozita që futi vendin në ngërç politik dhe bllokoi Reformën në Drejtësi, Rama dhe Basha takohen për herë të parë sot në përpjekjen e fundit për të gjetur një zgjidhje, që Partia Demokratike të futet në zgjedhje, pasi ka bojkotuar procesin.
Tentativa e dytë e Nishanit për tryezën e dialogut ka rezultuar pozitive pas dështimit pak javë më parë të nismës së parë.
Ftesa pasditen e së martës rezultoi vendimtare, pasi dy palët kthyen përgjigje pozitive duke pranuar takimin në Presidencë me ndërmjetësimin e Nishanit.
Fillimisht ishte kryeministri Rama që pranoi takimin me Bashën, ndërsa ky i fundit zyrtarisht e konfirmoi pjesëmarrjen në takim pas mbledhjes së grupit, duke mos harruar të theksojë kushtin e qeverisë teknike.
“Me vendim për qeveri teknike shkojmë në negociatat e thirrura nga Presidenti Nishani, vendimi i grupit është që të mbështesë protestën për zgjedhje të lira”.
Sipas të gjtiha gjasave, qëllimi i Bashës është që të dalë nga Presidenca duke fajësuar Edi Ramën si shkaktar të dështimit të paktit.
Basha tha mbrëmë se “ose qeveri teknike dhe votim elektronik” – pa caktuar datë zgjedhjesh – “ose qeveria të na japë një propozim ekuivalent”.
Rama nga ana e tij ka kërkuar nga Basha se cilat janë kërkesat që kërkon të plotësojë, përndryshe nuk ka se ç’të bisedohet.
Nga ana tjettër, të bën përshtypje se Vettingu është lënë fare në harresë dhe nuk është përmendur nga Lulzim Basha.
/tesheshi.com/
