Kryeministri Edi Rama u takua në Athinë me Princin e Kurorës së Arabisë Saudite, Mohammed bin Salman, sipas raportimit të agjencisë mediatike saudite.
Raportohet se takimi u fokusua në mënyrat për të konsoliduar partneritetin e përbashkët ekonomik dhe gjetjen e mënyrave për të rritur bashkëpunimin në fusha të tjera.
Kryeministri Rama shprehu vlerësimin e tij për iniciativën e Arabisë Saudite për të mbështetur Shqipërinë me 50 milionë dollarë si dhe një investim të mëtejshëm të Fondit të Investimit Publik saudit prej rreth 300 milionë dollarësh.
Të dy zyrtarët diskutuan gjithashtu zhvillimet rajonale dhe ndërkombëtare, raporton Al Arabya.
Takimi i Ramës me Bin Salman është zhvilluar pas një takimi dypalësh mes këtij të fundit dhe kryeministrin grek Kyriakos Mitsotakis në Pallatin Maximus në Athinë.
Arabia Saudite dhe Greqia nënshkruan memorandume të bashkëpunimit ushtarak, ekonomik dhe të sigurisë, gjatë vizitës zyrtare të martën.
Memorandumet e mirëkuptimit mbuluan edhe bashkëpunimin në fushën shkencore dhe teknologjike. /tesheshi.com/
