Në mbledhjen e grupit parlamentar socialist, kryeministri Edi Rama është treguar i prerë në drejtim të deputetëve, duke kërkuar prej tyre të mos ndërhyjnë në emërimin e njerëzve të tyre në poste në administratë.
Nuk dihet nëse deklarata e Ramës ka lidhje me raste konkrete ndërhyrjesh, apo ishte një paralajmërim për t´i prerë rrugën pa nisur proçesi i emërimit të drejtuesve të rinj në institucione të ndryshme, apo drejtori dhe agjensi.
“Harrojini emërimet e drejtorëve. Do te jenë me konkurs. Na propozoni emra, por po fitoi ndonjë tjetër më i mire, mos më hyni mik. Rekrutojini me parti pasi të bëhen drejtorë pas konkursit”, mësohet të jetë shprehur Rama.
Edhe më parë kryeministri është shprehur i prerë në drejtim të ndërhyrjeve, por nuk dihet nëse kjo vendosmëri do të pengojë emërimet e atyre që quhen miq apo të afërm të deputetëve. Një ditë më parë Rama renditi 3 faktorët që rrezikojnë mandatin e dytë të socialistëve, të cilët pas 25 qershorit qeverisin të vetëm. /tesheshi.com/
