Është e qartë tashmë se insinuatat e Ramës me media që vënë gjoba i referohet pikërisht Top Channel. Media që është njohur gjithnjë si mbështetëse e tij, edhe pse në mënyrë jopartizane por të kamufluar, mbështetëse madje dhe në rastin e inceneratorëve, tashmë po akuzohet nga Rama si gjobëvënëse.
Rama ka publikuar një projekt-propozim që i është bërë AZHBR-së nga Top Media, mbi një cikël emisionesh me temë zhvillimin rural, por që përgjigja negative që ka marrë, siç gjykon kryeministri, e ka bërë që të nis sulmet.
“Ja për shembull se si funksionon shantazhi mediatik. Kërkohen 120mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj!”, shkruan i pari i qeverisjes, duke publikuar dhe materialin që i është dërguar AZHBR-së.
Tashmë, me këtë zhvillim, pritet të ketë jo një por dy Sy Tv që do sulmojnë qeveërisjen. /tesheshi.com/
