Kryeministri Rama shpalli “dhuratën” më të madhe fiskale në qeverisjen e tij, atë për biznesin e vogël, duke ia bërë zero tatim fitimin, apo duke ia hequr TVSH-në një pjesë të saj.
“Sot, me vendim të Kuvendit të Shqipërisë, bizneset e vogla të cilat kryejnë një xhiro deri në 14 mln, nuk paguajnë tatim fitimi, ndërsa bizneset me xhiro deri në 10 mln do paguajnë zero TVSH. Këtë mbështetje. biznesi i vogël në vend e ka si i vetmi komunitet në të gjithë rajonin”, theksoi shefi i qeverisë.
Më pas, Rama bëri krahasimet e treguesve në qeverisjen e tij dhe atë të Berishës.
Në vitin 2013 paguanin 10% taksë si tatim fitimi dhe zhvillonin aktivitet rreth 60 mijë tatimpagues me xhiro deri në 8 mln lekë, dhe paguan edhe një tatim tjetër për pushtetin vendor që më pas në periudhën tonë fillojë të zhbëjnë deri sa vijmë në këtë moment historik për biznesin e vogël.
Shteti i ka marrë biznesit të vogël nga 2006-2013 19 mld lekë. tatim. Ndërsa vetëm 5.3 mld lekë kanë kaluar për shtetin nga viti 2014-2019.
Kjo është një fakt se si qeveria mbështet biznesin e vogël.
Aktualisht, sot kanë 93 743 biznese ose 77% e nr. total që paguajnë 0 tatim mbi fitimin. Janë më pas 14% që paguajnë 5% tatim dhe të dyja së bashku nga ky moment e kanë zero tatimin.
450 mijë të punësuar ishin në 2012. Ndërsa sot në regjistrin e fundit të 2019 kishim 55% më shumë të punësuar që paguajnë dhe marrim mbrapsht kontribute.
Sot jemi në kushtet kur me shumë frymëmarrje mund të tregojmë shifrat dhe nuk kemi lënë askënd mbrapa, asnjë punonjës të regjistruar në biznesin e vogël, që i mbështetëm me 7 miliardë lekë dhe pagën (e luftës) direkte prej 40 mijë lekë mbi 172 mijë të punësuar”, tha Rama. /tesheshit.com/
