Kryeministri Rama ofroi versionin e tij në lidhje me atë që homologu i tij Haradinaj e quan “presion për heqjen e taksës”, bërë në Berlin.
“Është perceptim i gabuar, fatkeqësisht ka gënjyer. Nuk i ka kërkuar askush ta heq taksën, është kërkuar pezullimi për t’i dhënë një shans për rifillimin e dialogut nën drejtimin e Merkel dhe Macron. I kam thënë ky është propozim fantastik…”, tha Rama në Opinion.
“Mua mund të më thonë çfarë të duan, unë kam të vërtetën time. Nuk kam ndërmend të konsumohem për të besuar të kundërtën, ka qenë një moment ideal që taksa të funksiononte. Si masë tregtare është absurde. Taksën e kam mbrojtur në çdo takim, është klithëm që Kosova e bën për tu dëgjuar. Kosova nuk po merr asgjë dhe Serbia vazhdon hap negociata. Në momentin kur të vinë dy liderët Europës dhe thoin aman ta pezullojmë këtë për 4-6 muaj dhe në do vazhdojmë personalisht që të funksionojë procesi. Tani normalisht pezulloje, se amerikanët thonë hiqe se s’bën”, theksoi shefi i qeverisë shqiptare.
Më tej ai foli dhe për zgjedhjet e 30 qershorit, duke thënë se do të bëhen dhe pse duhet të bëhen.
30 qershori është data e zgjedhjeve në Republikën e Shqipërisë. Nuk e kam vendosur unë, unë nuk di që qeveria të ketë marrë ndonjë iniciativë ligjore që pengon opozitën të hyjë në zgjedhje. Se opozita ka një pikëpamje për përgjimet, për Unazën, është në të drejtën e vetë. Por opozita dhe qeveria nuk mundet dot që këndvështrimin e vetë ta kthejë në një imponim.’Ik ti ose s’ka zgjedhje’, kjo nuk mund të ndodhi. Nëse qeveria apo shumica ka marrë ndonjë iniciativë për të penguar opozitën të hyjnë në zgjedhje hajde ta diskutojmë. Këto zgjedhje janë të lira për të gjithë, kush do futet kush do nuk futet. Zgjedhjet janë një ankand, që e bën popullin dhe pret ofertat politike. Ne kemi detyrë që në 30 qershor kur është caktuar data e ankandit të jemi atje. Dikush tjetër që s’ka ofertë politike dhe nuk shkon dot në ankand se humbet ka zgjedhur që të mos shkojë fare dhe të prishte ankandi. Çfarë fuqie bazuar në cilën normë kushtetuese unë mund të ndërhyj që ankandi të shtyhet?”, u shpreh Rama. /tesheshi.com/
