Kryeministri Rama doli para medias për të komentuar zhvillimet më të fundit, ato që kanë të bëjnë me protestën e opozitës.
“Ruajtëm qetësinë, vetëpërmbajtjen dhe pa dyshim vendosmërinë për të mos lejuar që grupim i udhëhequr nga verbëria e dëshpërimit, të influencojë më shumë sa sa duhet në mënyrën tonë të jetës së përditshme”, tha Rama. Sipas tij, nga ajo që ndodhi të shtunën nuk fitoi askush e humbën të gjithë, referuar për këtë pasqyrimit të protestës në të gjithë mediat e botës.
Rama bëri dhe një aluzion duke deklaruar se nëse ai do ishte në vend të Bashës, tjetër fat do kishte.
“Mendoni të isha unë në atë tribunë dhe flakët të vinin tek kjo dritare, do isha unë sot duke folur? Do isha unë diku në globin tokësor duke marrë frymë, apo do isha në botën tjetër? Përgjigjja është e saktë. E ka thënë: i vetmi pishman që kam është që nuk i dhashë një plumb ballit në 21 janar”, tha Rama.
Për Ramën, padyshim që pas gjithë kësaj që po ndodh me opozitën, fshihet lufta nga Reformës në Drejtësi.
“Ne nuk jemi ata, nuk kemi ardhur në qeveri që të bëjmë atë që bënin ata. Janë të fajshëm por nuk mund të të shkojë mendja se meritojnë plumbin. Vendimin e jep drejtësia, meritojnë dënimin. Me të drejtë njerëzit kërkojnë ndëshkimin e rrugëhumburve që u thotë mendja se mund të nxjerrin jashtë kontrollit Shqipërinë për shkak të ankthit të tyre në raport me drejtësinë. Flas për ata që janë kokat e gjithë kësaj veprimtarie të paligjshme dhe të turpshme për të gjithë ne dhe që kurrë nuk e kanë dashur, nuk e duan dhe nuk do ta duan reformën në drejtësisë se i fiken drejtësisë si djalli temjanit. Mendojnë se do bllokojnë integrimin e Shqipërisë”, tha i pari i qeverisë. /tesheshi.com/
