Kryeministri Edi Rama dhe kreu i diplomacisë, Ditmir Bushati, kanë shfrytëzuar kohën e lirë mes seancave në Asamblenë e Përgjithshme të OKB-së për të kontaktuar me shqiptarë që jetojnë dhe punojnë në New York.
Fotot që qarkullojnë në rrjet janë publikuar pikërisht nga shqiptarët që kanë dalë në foto me kreun e qeverisë, ndërsa nuk kanë munguar as batutat në komentet që i shoqërojnë.
Kështu Edmond Sokoli, është një nga shqiptarët, që ka dalë në krah të Edi Ramës, ndërsa shkruan se “është gjithmonë kënaqësi, veçanërisht për ata që jetojnë jashtë të dalësh me kryeministrin e vendit tënd. Komentet poshtë fotos kanë natyrë humoristike”.
Por cili është komenti që duket se ka tërhequr vëmendjen e portaleve të ndryshëm? Sokoli kur ka hedhur foton në rrjet ka përdorur disa nga batutat që Rama i thoshtë shpesh në fushatën si zgjedhore, një ndër të cilat edhe ajo “Luli është çun i mirë”.
“Jo me thënë të drejtën unë s’desha të bëja foto. i thash s’jam me ty ,jam me PD. Po më tha ec mor burrë se ne e PD një parti jena ,biles tha unë them se Luli është shumë çun i mirë. Kur më tha kështu s’pata nga t´ia mbaja.
Ndërsa Bushati, i mërzitur ishte, shumë. Më tha: 4 vjet ministër më shumë në kryeqytete të Botës i kam kaluar se në shtëpinë time, Mendova se shpëtova veç kur më tha Edi, hajte Ditmir edhe 4 vjet do durosh s´ke çfarë bën, s´munda t´ia prishja”, shkruan shqiptari në rrjetet sociale. /tesheshi.com/
