Kryeministri Rama tha se reforma në Drejtësi do të realizohet brenda vjeshtës së këtij viti. Ai i bëri këto komente në mbledhjen e Asamblesë së Përgjithshme të partisë Socialiste ku dha edhe një rezyme të asaj që është arritur në dy vjet qeverisje.
“Do të mundësojmë kështu çeljen e një beteje të madhe pa asnjë kompromis dhe tolerancë ndaj korrupsionit në sistemin e drejtësisë, po dhe arritjen e objektivit për të çelur negociatat vitin e ardhshëm”, tha Rama.
Kryeministri shtoi se koalicioni qeverisës po funksionon mjaft mirë, duke mburrur të gjithë ministrat, që, sipas tij, janë “në drejtimin e duhur”. /tesheshi/
