Sali Berisha dhe Edi Rama janë përballur në Kuvend në një replikë të ashpër akuzash dhe kkundër akuzash.
Ndërsa ish-kryeministri ka vijuar akuzuat ndaj qeverisë si të lidhur me krimin, kreu i qeverisë ia ktheu duke i thënë se bën përbaltjen ngaqë nuk ke rekord pune dhe nuk do të votosh reformën në drejtësi.
“Rama e ka zhytur vendin në skandale. Deklarata e Europolit demantoi deklaratat e Tahirit dhe Çakos. Këta i thanë Balilit ik nga Shqipëria, e përcollën. Çështja e Balilit është çështje që i përket Ballkanit dhe Europës”, tha Berisha.
Ish-kryeministri tha se Balili nuk është i Metës: “në mënyrë absolute nuk mbroj LSI, kur mbrojtjen totale Balilit ia jep Edi Rama.
Hekurat për ata që s’kanë të paguajnë, për ata që ndërtojnë çati për fëmijët, janë tipike të Ediskobarit dhe jo të LSI-së”, ka vijuar Berisha. Ish-kryeministri i ka kërkuar Ramës që të dorëzojë atë që e quajti “pajisjen e përgjimit”.
Kryeministri i është përgjigjur Berishës duke e akuzuar se po pengon reformën në drejtësi.
“Sali, më shiko në sy dhe më thuaj, a do ta lejosh apo jo reformën në drejtësi? Pse nuk thua asnjë fjalë për të? Pse PD nuk është në komision për të votuar draftin e Venecias?
jafton të shohësh në gjykatë për murin e betonit, për të cilin u dha leja nga kryetari i partisë tënde, për të parë përse ti je i pari më i painteresuar që gjyqtarët dhe prokurorët të mos kalojnë nën kontroll. Si mund ta pranosh ti këtë kur ke nxitur, mbështetur dhe mban në këmbë sot një sistem të korruptuar që bën shërbime për ty personalisht dhe për njerëzit e tu?”, pyeti Rama.
Kryeministri akuzoi opozitën se angazhoi presidentin, “që e keni kthyer në një kryetar komplementar të PD”, për të marrë në mbrojtje trupën më të korruptuar që mund të përfytyrohet.
Po të mos kishte protestuar kryetari i bashkisë, sot gjykata do e kishte firmosur vendimin me trupën në konflikt të pastër interesi”.
Kryeministri ka zbardhur një dokument të Europolit, që sipas tij tregon të kundërtën e pretendimeve të Berishës.
“Ulu dhe lexoje, Sali. Kur prokuroria të mbarojë hetimin edhe për mjetin e përgjimit, në mënyrë të kundërt do ta lexosh të vërtetën”, , deklaroi kryeministri.
/tesheshi.com/
