Kryeministri Rama ka befasuar me një emër për President të Shqipërisë, tashmë që ka nisur një proces për zgjedhjen e njeriut që do pasojë Metën në krye te shtetit shqiptar.
Për Ramën, ideali do ishte nga Kosova, Hashim Thaçi dora vetë. 
“Kushtetuta jonë ka parashikuar që president nuk mund të zgjidhet dikush që në 10 vitet e fundit nuk jeton në Shqipëri. Ne do kishim vënë Hashim Thaçin president. Do ishte president i shkëlqyer për Shqipërinë dhe Kosovën. Por fatkeqësisht për momentin ai nuk është qytetar i lirë, pasi ndaj tij po zhvillohet një proces, mos më bëni të them se çfarë procesi është“, arsyetoi Rama.
Ky është dhe i pari emër për President artikuluar deri më tani nga kreu i mazhorancës, gjithsesi i shoqëruar nga një “sikur”, pasi siç është e qartë, kjo është e pamundur.
Gjithsesi, dhe në këtë rast, Rama ka tentuar të befasojë me fantazinë e vet politike. /tesheshi.com/
