Edi Rama dhe Lulzim Basha janë mbyllur kokë më kokë në kryesinë e Kuvendit në përpjekjen e fundit për negocim mes tyre për të bërë të mundur që PD të hyjë në zgjedhje.
Pas një bombardimi gati 24 orësh nga ana e PD-së duke akuzuar Ramën se nuk a dhënë “ok” e marrëveshjes Mcallister, tashmë është zbuluar e gjitha se kjo ka qenë një manovër për të tërhequr në lojë koalicionin e dëshiruar që kur u fut në çadër, pra LSI-në dhe PDIU-në.
Ndërkaq, ka qenë Lulzim Basha që nuk ka rënë dakord me pikën bazë të marrëveshjes që thotë “të votohet vetting”, pasi kërkon ndryshimin e ligjit të vettingut.
Takimi i Ramës me Bashën me partitë e vogla ka zgjatur rreth dy orë në Kryesinë e Kuvendit. Ndërsa në fund të tij, kryeministri kërkoi një takim kokë më kokë me kreun demokrat që po zhvillohet tani.
Në përfundim të takimit, Fatmir Mediu, njëri nga iniciatorët e tryezës, deklaroi se opozita ka dakord me paketën “McAllister” dhe që nëse është e mundur parlamenti të mblidhet nesër dhe të votojë vettingun po qe se Rama e pranon marrëveshjen.
Marrëveshja ka mbetur tek data dhe vettingu. Edi Rama nuk dëshiron të shtyjë zgjedhjet pasi ndryshe vendi do të futej një spirale shtyrjesh afatesh por edhe procesesh, sipas mazhorancës. /tesheshi.com/
