Nëse mediat televizive po prisnin fushatën elektorale që të shtonin buxhetin e tyre për shkak të reklamave të fushatës do të zhgënjehen. Kryeministri Edi Rama dhe kryetari i opozitës Lulzim Basha kanë gjetur një mënyrë që t’i detyrojnë me ligj mediat vizive private që të japin reklama falas për partitë gjatë gjithë fushatës.
90 minuta në ditë shqiptarët do të duhet të shohin PS-në dhe PD-në në çdo televizion. Shto këtu dhe 45 minuta për partivë e vogla parlamentare dhe 10 minuta për partitë joparlamentare, fushata do të jetë në Tv sipas peshës së partive dhe e gjithë ky minutazh falas.
Ky ligj u përgatit në fshehtësi të plotë në momentet e fundit pa marrë mendimin e palës tjetër, pra të medias. Me ligjin e mëparshëm zgjedhor media duhej të respektonte minutazhin e barabartë për partitë gjatë kronikave në edicionin e lajmëve, por nuk kishte kufizim tek reklamat, të cilat si rregull futen në sektorin e marketigun të një televizioni dhe duhet të paguhen.
Por mesa duket partitë kanë vendosur të mos nxjerrin asnjë lek nga xhepi për reklama dhe këtë shërbim e kërkojnë falas dhe me detyrim.
Ja nga sa minuta do të jenë të detyruara televizionet private të transmentojnë falas reklamat për fushatën zgjedhore:
90 minuta reklama falas për partitë e mëdha;45 minuta reklama falas për partitë parlamentare; 10 min reklama falas për partitë joparlamentare./tesheshi.com/
