Në një mesazh në FB, kreu i opozitës ka quajtur idiot kryeministrin Rama, jo aq drejtpërdrejt, por përmes një pyetje retorike. Por jo vetëm kaq. Basha ka vijuar me elementë të ligjërimit të ashpër tipik të Berishës që i deklasifikon kundërshtarët si njerëz normalë, duke e quajtur Ramën dhe të sëmurë mendor, por edhe kësaj here me anë të një truku gjuhësor, ku epitetin e rëndë ia ka adresuar të tjerëve e jo vetes.
Ja mesazhi i Bashës:
As toka e shenjte e Jeruzalemit nuk i ben dot derman “te semurit te Tiranes” sic e therrasin mes tyre diplomatet dhe miqte e huaj. Krahason te pakrahasueshmen. Imagjino se cdo ti benin izraelitet, apo cdo komb i qyteteruar nje kryeministri qe pa pyetur as per ligj, as per plan urban e as per qytetaret e vet, do te guxonte te rindertonte furrat e Aushvicit ne zemer te kryeqytetit. Te jete kaq idiot e te mos e kuptoje??? Nuk ma merr mendja. Eshte venerimi qe ka per eterit e tij xhelate e persekutor.
Ky reagim i Bashës ka ardhur pas një mesazhi të Ramës në tëitter, ku, i pasi vizitoi muzeun e holokaustit në Jeruzalem, bëri një paralele mes asaj çfarë pa aty e asaj çfarë ndodhi në Tiranë me bunkerin e tij gjysëm muzeal e gjysëm artistik. Edhe Rama në mesazhin e tij ka përmendu fjalën “idiot”, por jo duke e nominuar për dikë konkret, qoftë dhe me aludim. Ai ka përdorur epitetin “idiotik” mbi qasjen opozitare ndaj bunkerit, por që gjithsesi nuk eviton përçmimin ndaj sjelljes së kundërshtarit.
Ja dhe mesazhi i Ramës:
Çfarë mësimi i paçmuar për çdo individ dhe popull për mënyrën se si duhet të mbajë gjallë kujtesën e vuajtjeve që nuk duhet të përsëriten kurrë! (E pashmangshme të mos vajtosh nivelin mizerabël të kuptimit për rëndësinë e të shkuarës në vendin tonë, ku verbëria e injorancës ushqen debate e nxit përplasje idiotike kundër muzealizimit të së shkuarës…
Të shohësh flamurët origjinalë hitleriane dhe vetë kasapin e popullit hebre që shfaqet i gjallë, sot e gjithë ditën përmes ekraneve të Muzeut të Holokaustit, dhe të mendosh se ç’bëjnë të verbërit në mexhelisin e politikës shqiptare kundër shëmbëlltyrës së një bunkeri si hyrje e muzeut të persekutimeve e torturave të Sigurimit të Shtetit, është për të vënë duart në kokë nga trishtimi e zemërimi bashkë!)
/tesheshi.com/
