Edhe pse nuk është arritur marrëveshje, duket se Edi Rama dhe Lulzim Basha kanë lënë të hapur një rrugë dialogu deri sot në mbrëmje.
Ambasadorët e SHBA dhe BE-së po mbajnë gjallë dialogun në mënyrë që të arrihet një zgjidhje që PD të futet në Parlament dhe vettingu të votohet.
Takimi prej tre orësh i zhvilluar me moderimin e Bujar Nishanit ka ngecur tek vettingu por edhe te qeveria teknike.
Edhe pse të dy palët nuk kanë bërë deklarata, duket se ata nuk kanë arritur të përfundojnë një marrëveshje për të futur PD në Kuvend, që të miratojë vetingun dhe të marrë pjesë në zgjedhje.
Ambasadorët e BE janë mbledhur në selinë e BE në Tiranë për të rakorduar qëndrimet dhe për të mbajtur gjallë komunikimin, i cili mund të çojë në një marrëveshje në orët që vijnë.
Basha ka hyrë në bisedime me kushtin e qeverisë teknike, pa Ramën kryeministër, ndërsa Rama me kushtin që Basha të votojë Vetingun dhe të marrë garancitë që ofrojnë Partitë Popullore Evropiane për garantimin e zgjedhjeve të lira e të ndershme. /tesheshi.com/
