Seanca e fundit parlamentare përpara pushimeve të verës nisi pa praninë e grupit parlamentar të partisë Demokratike, por deputetët e LSI-së ishin të pranishëm.
Deputeti Luan Rama, ndërsa mori fjalën në Kuvend shqyrtoi situatën me reformën në Drejtësi, duke theksuar se “situatën më të rëndë e bën fakti që në organet e Vetingut ka elementë me mangësi intelektuale dhe në integritetin e tyre”.
Gjithashtu, Rama theksoi se edhe në disa raste konkrete, KPK ka pasur vendime me standarde të dyfishta dhe selektive.
Nga ana tjetër ai hodhi akuza të forta në drejtim të qeverisë, ndërsa u shpreh se kolapsi në sistemin e Drejtësisë është i qëllimshëm.
“Mungesa e përgjegjësisë dhe reflektimit nga ana e mazhorancës është dëshmi e aventurizmit me të cilin votuat Reformën në Drejtësi, është dëshmi skemës së organizuar me qëllim për ta përdorur për interesa politike klienteliste”, tha ndër të tjera Luan Rama. /tesheshi.com/
