Kryeministri Edi Rama akuzoi opozitën se po mbron informalitetin, ndërsa përmes një postimi në rrjetet sociale shkruan se asnjë biznes nuk do të funksionojë pa TVSH. Rama shkruan se ky aksion bëhet për t’i dhënë fund mashtrimit me lekët e qytetarit.
Ndërkohë në një tjetër postim, kreu i qeverisë shkruan se tashmë qytetari nuk do të endet sportel më sportel, po vetë shteti duhet të sigurojë për llogari të qytetarit informacionin që disponon.
“Jo më qytetari sportel më sportel, po vetë shteti duhet të sigurojë për llogari të qytetarit informacionin që vetë shteti disponon. Kohë e fituar, lekë të kursyera, rryshfete të asgjesuara. Ky çlirim do të vazhdojë më tej në javët e muajt në vijim…”, shkruan Rama. /tesheshi.com/
