Qeveria “Rama 2” ka prezantuar një revolucion të thellë në administratën shtetërore dhe në gjithë struturën e qeverisjes.
Niko Peleshi, që pritet të jetë zv.kryeministër sërisht, ka shpallur këtë plan, i cili shkrin drejtoritë e doganave dhe tatimeve duke i bashkuar në një drejtori të të ardhurave kombëtare.
Shkrihen gjithashtu 12 drejtoritë rajonale në qarqe, duke i centralizuar në 4 të tilla.
Po kështu shkrihet ALUIZNI dhe disa të tjera. Me një fjalë bëhet një përmbysje totale të administratës.
Sipas raportit të paraqitur nga Peleshi, shumë institucione kanë të punësuar vetëm 10 persona.
“Shqiperia ka një numër shumë të madh institucionesh varësie në krahasim me shtetet e tjera. Janë 500 institucione varësie. Janë 24 tipologji të këtyre institucioneve të varësisë, dhe kjo është në kundërshtim me ligjin, pasi sipas tij ka 3 tipologji të llojeve të institucioneve të varësisë.
Kemi një varitet të madh të institucioneve me punonjësit. 10% e institucioneve kanë më pak se 10 punonjës. 30% e institucioneve kanë regjistra të dixhitalizuar, të tjerat nuk kanë. Nga 141 agjenci, ne propozojmë një projekt me 104 agjenci varësi. Kemi shkrirë agjencitë me më pak se 10 persona dhe kemi shkrirë ato që kanë funksione të njëjta”, tha Peleshi. /tesheshi.com/
