Një raketë e dyshimtë u rrëzua në Qipro në orët e hershme të mëngjesit, pak pasi avionët izraelitë nisën sulmet ndaj Damaskut. Sulmet izraelite – të cilat synonin pozicionet ushtarake siriane në Homs dhe Damask – lanë të pajetë paku 15 vetë duke përfshirë gjashtë civilë.
Mediat siriane thanë se mbrojtja ajrore e vendit kishte kapur disa raketa, e megjithatë, duket se një prej këtyre mund të ketë humbur rrugën dhe ra në Qipro Veriore.
Shpërthimi atje goditi një rajon 12 kilometra në veri të Nikosisë, rreth orës 1 të mëngjesit. Zyrtarët po studiojnë mbetjet në vendin e rrëzimit, tha Kudret Ozersay, ministri i jashtëm i Qipros Veriore.
“Gjetjet fillestare tregojnë se objekti që shkaktoi shpërthimin ishte një raketë izraelite që mbante eksploziv”, tha ai.
Ozersay tha se raketa shpërtheu në fluturim, sepse nuk kishte asnjë krater të shkaktuar në tokë.
“Është e qartë se nuk është diçka që vjen nga toka jonë … Është nga zonat e konfliktit, dhe këto janë pasojat e këqija të luftës në rajon që bien edhe mbi vendin tonë”, tha ai.
Nëse vërtetohet lloji i sulmit, kjo do të ishte hera e parë që Qiproja të përfshihet nga pasojat e luftërave në Lindjen e Mesme, përkundër faktit se nuk ka afërsi të konsiderueshme me rajonet në fjalë. /tesheshi.com/
