Shtetet e Bashkuara thanë se do të përdorin “forca të konsiderueshme ushtarake” në Korenë e Veriut, nëse “do na duhet”. Paralajmërimi vjen pas testit të së martës me rreze të gjerë veprimi nga ana e Koresë së Veriut.
Ambasadorja amerikane në OKB, Nikki Haley tha se do të hartohet një rezolutë e re kundër Penianit në Kombet e Bashkuara.
Ajo e përshkroi testin si një përshkallëzim të thellë ushtarak dhe kërcënoi po ashtu me kufizime tregtare.
Disa orë pas komenteve të saj, SHBA dhe Koreja e Jugut lëshuan raketa në detin e Japonisë, si pjesë e stërvitjeve të tyre ushtarake.
Por, Peniani thotë se nuk do të negociojë derisa SHBA t’i japë fund “politikës armiqësore” ndaj Koresë së Veriut. Nisja e raketave në testmin e ditës së martë, e fundit nga një seri të tillash, ishte në sfidë të ndalimit që ka urdhëruar Këshilli i Sigurisë së Kombeve të Bashkuara. /tesheshi.com/
