Raketa kineze e njohur si “Guam killer”, e cila mund të godasë në largësi deri në 5.400 kilometra, ka zgjuar frikën nga kërcënimet në rritje kundër shenjestrave ushtarake amerikane dhe stabilitetin në Paqësor, raporton sot CNN.
Komisioni amerikan i Kongresit ka lëshuar një raport në të cilin tërheq vërejtjen nga rreziku që paraqet kjo raketë, gjatë javës në të cilën ka pasur ashpërsim të raporteve në mes të SHBA dhe Kinës, për shkak të lundrimit të luftanijes amerikane në afërsi të ishujve në detin jugor kinez, ndaj të cilave Pekini i ka shprehur pretendime.
Komisioni për shqyrtimin e çështjeve ekonomike dhe të sigurisë të këtyre dy vendeve, ka deklaruar gjatë kësaj jave se raketat balistike DF-26, të cilën analistët e kanë quajtur “Guam killer”, e cila është prezantuar në paradën ushtarake në Pekin shtatorin e kaluar, i mundëson Kinës që pa asnjë pengesë të kërcënojë territorin amerikan të ishullit Guam.
“Prej pajisjeve ushtarake kineze e cila mund të arrijë ishullin Guam, DF-26 IRBM paraqet kulminacionin e punës prej disa dekadash të Kinës në avancimin e raketave konvencionale balistike’’, thuhet në raportin e komisionit.
Edhe pse gjendja momentale e kësaj teknologjie kineze nuk paraqet ndonjë kërcënim serioz për momentin, në raportin e komisionit amerikan thuhet se se “përkushtimi i Kinës për modernizimin e mëtejshëm të mundësive për sulme ajrore, sugjeron se ky rrezik ka të ngjarë të rritet në të ardhmen. /tesheshi.com/
