Shpesh sportistët e famshëm, me reputacionin e emrit që mbajnë, bëhen ndikues në proçese të caktuara, politike apo gjeopolitike, me pozicionimet e tyre.
Nuk “ka shpëtuar” as numri 1 i botës në Tenis, spanjolli Rafael Nadal, i sapo shpallur kamion i Grand Slam-it të Amerikës. 30 vjeçari ka deklaruar një ditë pas festës së Katalonjës, se është kundër shkëputjes së kësaj krahine nga Spanja.
Në fakt krahina autonome, e ka marrë një përgjigje negative nga Gjykata Kushtetuese, për mundësinë e realizimit të një referendumi që do kishte për thelb, shkëputjen e Katalonjës nga Spanja.
Edhe për Nadal, më tepër se idetë për pavarësinë e Katalonjës, vlen një sforco për të qëndruar brenda shtetit spanjoll. “Jemi më të fortë të bashkuar, se të ndarë.
Spanja është më e mirë me Katalonjën, ashtu si edhe Katalonja me Spanjën. Ndihem shumë pranë katalanasve, por ndihem edhe më shumë spanjoll.
Nuk mund ta konceptoj Spanjën pa Katalonjën”, është shprehur Rafael Nadal, i cili shpreson se do të arrihet të gjendet një zgjidhje, që edhe për shumë vite, Spanja të jetë shteti që është. /tesheshi.com/
