Lideri i lëvizjes radikale serbe, Vojislav Sheshel, në një debat televiziv në Serbi kushtuar krizës politike në Maqedoni, ka hedhur dyshimet se në Maqedoni po përgatitet që ta largojnë nga skena politike Nikolla Gruevskin.
Sheshel këto komente konspirative i bëri për kanalin televiziv serb “Pink 3”, ku sipas tij e gjithë situata politike në Ballkan, duke përfshi edhe Maqedoninë e Serbinë, është krijuar si pasoj e infiltrimit amerikan në vend.
Sipas radikalistit serb, ish-kryeministri i Maqedonisë, Nikolla Gruevski ka qene i mirë për BE-në dhe SHBA-në deri në momentin kur ka ndjekur urdhërat e tyre.
“Në momentin kur Gruevski filloi të zhvillojë një politikë për bashkëpunim me shtetin Rusinë, të gjithë u kthyen kundër tij”, ka thënë Sheshel.
Ai mes tjerash hedh hipotezën se e gjithë kjo situatë politike e krijuar në Maqedoni, ka ardhur si rezultat i luftës speciale që po udhëheqin perëndimorët, (SHBA-ja dhe BE-ja).
Sheshel mes tjerash shprehet se ndoshta ky mund të jetë edhe fundi i Nikolla Gruevskit, sepse sipas tij, ai i ka tradhtuar tashmë ndërkombëtarët. /tesheshi.com/
