Janë rikthyer radhët e gjata në dy pikat kufitare kryesore me Greqinë, pra si në Kakavijë ashtu dhe në Kapshticë.
Dhe kjo ndodh pikërisht dy ditë pas aksionit për prishjen e disa godinave në Himarë në kuadër të rehabilitimit urban të qendrës së qytezës më të madhe të Bregut, por që elementë grekofilë në Shqipëri, opozita greke së bashku me grupimin akstrem Agimi i Artë, e nga ana tjetër edhe opozita në Shqipëri, i kanë dhënë karakter etnik.
Të githë këto zëra, përveç opozitës në Tiranë e cila sheh vetëm afera korruptive, pretendojnë se po cenohen pronat e të drejtat e minoritetit.
Nga ana tjetër, Athina zyrtare ka mbajtur një qëndrim të zbutur dhe gati-gati e ka pranuar projektin e qeverisë së Tiranës së bashku me aksionin e saj, por që ajo që po ndodh këtë fundjavë në doganat greke, tregon se po aplikohet një lloj hakmarrjeje, nga ato të zakonshmet sa herë acarohen raportet mes dy vendeve. Si arsye e radhëve të gjata, pala greke ka dhënë të njëjtin version, si gjithnjë: defekt në sistem. /tesheshi.com/
