Një nga përfaqësueset e serbëve të Kosovës deklaroi se Hashim Thaçi nuk mund të jetë president i Kosovës pa mbështetjen e tyre.
Rada Trajkoviq, deklaroi për B92 se nëse Thaçi do të zgjidhet atëherë kjo do të thotë se e ka marrë “izmën” nga Beogradit; pra që dikush në Beograd dhe Prishtinë ka një përfitim.
Ajo tha duke bërë me gisht tregues në shenjë mohimi se Thaçi e nuk ka mbështetjen e Shteteve të Bashkuara, dhe tani po përdor të gjitha rrugët duke u përpjekur për të marrë postin e presidentit “me forcë”.
“Ai pritet të jetë një nga të hetuarit e Gjykatës Speciale, për shkak të gjykatës për krimet e UÇK-së. Ditët e fundit fluturoi në SHBA, ku ai kërkoi ndihmë për një takim të nivelit të lartë, po ashtu shkoi dhe në Gjermani ku u përpoq për të zbutur marrëdhëniet me këtë vend pasi arrestoi agjentët e zbulimit gjerman që po hetonin aferat e qeverisë së tij”, deklaroi thënë Rada Trajkoviq, e cila është një nga drejtueset politike të serbëve të Graçanicës.
Ajo shtoi se zgjedhja e Presidentit të Kosovës është një nga katër rreziqet e sigurisë që ekzistojnë në territorin e Kosovës, e cila sipas politikanes serbe po kalon një situatë “shpërthyese”.
“Trazirat janë afër dhe ne jemi gati për t’u përballur me sfida të mëdha. Përveç zgjedhjes së Presidentit, është paralajmëruar një protestë e madhe e opozitës më 17 shkurt, por edhe mbajtja e zgjedhjeve parlamentare serbe në Kosovës ka problem”, deklaroi mjekja që është pjesë e Parlamentit të Kosovës si përfaqësuese e enklavave të Graçanicës. Ajo theksoi se Bashkimi Evropian nuk ka një rol të fuqishëm dhe nuk ka efekt mbi shqiptarët e Kosovës.
“Kur erdhi Johannes Han, kishte urrejtje ndaj ndaj tij në Prishtinë. Marrëveshja e Zajednicës nuk po zbatohet”, deklaroi Trajkoviç, e cila beson se Zajednica nuk do të ndryshojë jetën e serbëve pasi i konsideron vetëm fjalë boshe dhe premtime. /tesheshi.com/
