Sulmuesi uruguajan Edison Cavani kërcënohet me një pezullim prej tre ndeshjesh për përdorimin e termave “të paligjshme” në Instagram sipas rregullave të Shoqatës Angleze të Futbollit (FA).
Cavani ishte heroi në fitoren e Manchester United jashtë fushe (3-2) të dielën kundër Southampton. Uruguajani shënoi dy gola dhe regjistroi një asist në përmbysjen e “Djajve të Kuq”, të cilët ishin në humbje 0-2 pas një ore lojë.
Duke iu përgjigjur urimeve pas ndeshjes, Cavani iu përgjigj mesazhit të një shoku në Instagram me “Gracias, negrito”. Sulmuesi uruguajan e fshiu shpejt mesazhin, por kjo nuk do ta shpëtojë atë nga ndëshkimi, raportojnë mediat angleze.
Klubi mbrojti lojtarin e vet, duke shpjeguar se Cavani e përdori fjalën në një mënyrë të butë dhe se ai ka kuptime të ndryshme në Amerikën e Jugut, por FA do të hetojë postimin e tij, dhe dënimi për një postim të tillë në mediat sociale është minimumi i tre ndeshjeve pezullim.
FA ka lëshuar udhëzime përpara këtij sezoni për t’u përpjekur të luftojë gjuhën dhe sjelljen raciste dhe diskriminuese, dhe përdorimi kësaj gjuhe në mediat sociale përfshin një ndalim minimal të tre ndeshjeve.
Interesante: sulmuesi i Watford-it, Troy Deeney beson se Cavani duhet të pezullohet për më shumë se tre ndeshje.
“Unë nuk mendoj se një ndalim me tre ndeshje është i mjaftueshëm. Ishte një mesazh i dalë nga një mendim. Ai e shkroi atë, pasi e mendonte atë,” tha sulmuesi i Watford-it në emisionin talkSPORT.
FA sezonin e kaluar ndëshkoi mesfushorin e Manchester City-t Bernardo Silva si dhe mesfushorin e Tottenham-it Dele Alli me pezullim në një ndeshje pas konstatimeve që shkelën udhëzimet e FA.
Alli u gjobit për postimin e një videoje në 6 shkurt duke tallur një aziatik në aeroport, ndërsa Silva u ndëshkua pasi postoi dhe më pas fshiu një cicërimë që krahasonte shokun e ekipit Benjamin Mendy me një personazh vizatimor në një markë spanjolle me çokollatë. /tesheshi.com/
