Rabini Suprem izraelit Yitzhak Yosef përuroi një sinagogë hebreje në Dubai dhe u lut për sigurinë e familjes sunduese në Emiratet e Bashkuara Arabe.
Shefi sefardik Yosef mbërriti në Emirate të enjten, vizita e tij e parë në vendin e Gjirit.
Qeveria izraelite postoi në Tëitter pamjet nga hapja e sinagogës në Dubai.
Times of Israel raporton se Rabini Yosef emëroi Levi Duchman si rabin të komunitetit hebre në Emirate gjatë vizitës së tij në Dubai dhe përuroi një sinagogë të re në Abu Dhabi.
Rabini Yosef u takua me disa zyrtarë të Emirateve, e cila është shtëpia e rreth 3,000 hebrenjve, kryesisht në Dubai dhe Abu Dhabi.
Emiratet e Bashkuara Arabe nënshkruan një marrëveshje në mes të shtatorit për normalizimin e marrëdhënieve me Izraelin, e cila u bë më vonë nga autoritetet e Bahreinit, Sudanit dhe Marokut.
Pala palestineze protestoi fuqimisht dhe e konsideroi në kundërshtim me interesat palestineze në Lindjen e Mesme. /tesheshi.com/
