Një 25-vjeçar në Zvicër i mbijetoi mrekullisht një aksidenti pasi ra në një kazan me alumin të shkrirë me temperaturë 720 °C.
Media të shumta botërore shkruajnë se sa i pabesueshëm është fakti, jo vetëm që ai mbijetoi, por edhe se doli nga metali i shkrirë…
I riu ishte duke punuar në një furrë në një fabrikë në St Gallen, në momentin e incidentit.
Ai ra përmes mbulesës në metalin e nxehtë poshtë dhe ishte deri në gju në alumin super të nxehtë. Pavarësisht se ai ishte në agoni, pa shpresën se mund të shpëtonte, ai arriti të dilte dhe u dërgua me urgjencë në spital. Tani policia ka nisur hetimet për rrethanat që çuan në këtë ngjarje të tmerrshme.
Kjo nuk është hera e parë që një aksident i rëndë ndodh në të njëjtën shkritore – në vitin 2014 ka ndodhur një shpërthim ende i pashpjegueshëm, i cili la një punëtor me djegie të tmerrshme në fytyrë.
Punëtori kishte një “engjëll mbrojtës të mrekullueshëm” kur ndodhi aksidenti, tha Andreas Müller, CEO i DGS Druckgusssysteme AG, fabrika ku ndodhi aksidenti.
Sipas Müller, ai tashmë është jashtë spitalit pas operacioneve dhe tashmë mund të ecë…/tesheshi.com/
