Qyteti sicilian i Cammarata-s po ofron shtëpi të braktisura falas për t’i shpëtuar shpopullimit.
Për tre vitet e fundit, kryetari i bashkisë së atyshëm, Vincenzo Giambrone, është përpjekur të bindë pronarët që kanë lënë prej kohësh shtëpitë e tyre familjare që t’u dorëzojnë shtëpitë e zbrazëta dhe të rrënuara falas tek të ardhurit.
“Nuk mund të duroj të shoh këtë qendër të bukur, të vjetër dhe historike të zbrazet dhe të shkretohet. Më dhemb,” tha Giambrone.
Ai shtoi se dhjetë shtëpi të zbrazëta prej guri janë aktualisht në dispozicion dhe se “së shpejti do të ketë edhe pak”.
Ka disa kushte të skemës së banesave “falas”. Blerësit duhet të marrin përsipër të rinovojnë objektet brenda tre viteve. Gjithashtu, kur ta marrin shtëpinë, do të paguajnë një depozitë prej 5,000 euro, të cilën qyteti do t’ua kthejë kur të përfundojnë renovimin. Çiftet e reja me fëmijë do të kenë përparësi dhe çiftet që vendosin të jetojnë në Cammarata dhe të kenë një fëmijë do të marrin gjithashtu një bonus prej 1,000 euro. Pronarët e rinj mund t’i kthejnë ndërtesat shumëkatëshe në një shtëpi private, bujtinë, hotel, dyqane apo edhe restorant.
Cammarata ndodhet rreth 60 kilometra në juglindje të Palermos, në një lartësi prej rreth 1000 metrash. Ajo është pjesë e Sicilisë juglindore e njohur për vendet e saj të braktisura dhe ritmin e ngadaltë të jetës.
Qyteti është themeluar nga grekët bizantinë, gjuha e të cilëve e ka marrë emrin nga fjala “Càmara” që do të thotë dhomë me hark, shkruan CNN. /tesheshi.com/
