Kakanji, qyteti boshnjak që vendosi të mos festojë Vitin e Ri për shkaqe humanitare, po shkruan një tjetër histori me theks social. Aty, banorët janë angazhuar në një aksion vullnetar të titulluar “Lopatat në duar”, të cilët së bashku me shërbimin dimëror për mirëmbajtjen e trotuarëve dhe të rrugëve janë angazhuar për të pastruar borën e madhe që ka rënë.
Të parët që u iu bashkangjitën aksionit ishin punonjësit e bashkisë Kakanj, të udhëhequr nga kryebashkiaku Nermin Mandra.
Stafi i bashkisë ka pastruar nga bora gjithë hapsirën përreth ndërtesës së administratës bashkiake dhe të gjitha trotuaret e afërta. Në ndihmë atyre u dolën njësitet e zjarrfikësve me automjetin e specializuar, i cili është dhuruar së fundmi nga bashkia Kakanj.
Aktivitetet vullnetare të qytetarëve të Kakanj janë regjistruar edhe në vende të tjera, ku janë pastruar zonat publike, trotuaret dhe shtigjet për në godina banimi dhe ato komerciale, ndërsa gjatë pasdites shumë qytetarë gjithashtu janë përfshirë në aksionin për pastrimin e zonave të mbetura ende nën dëborë. /tesheshi.com/
