Sipas vlerësimit të Mercer, siguria personale në një qytet kushtëzohet nga lidhjet e qytetit me vendet e tjera, stabilitetin e brendshëm, shkallën e krimit dhe zbatimin e ligjit.
Mund të ngjajë si befasi fakti që disa nga qytetet më të mëdha dhe më me ndikim në Evropë nuk i përkasin listës së qyteteve më të sigurta. Shkak për këtë janë kryesisht numri i sulmeve terroriste dhe normat e larta të krimeve të vogla, si dhe kërcënimet për sigurinë kombëtare.
Parisi – Po! Nuk është i habitshëm fakti që kryeqyteti francez ë jetë një prej 12 qyteteve më të pasigurta në Evropë. Kjo pas një serie sulmesh terroriste në të cilat u vranë qindra njerëz.
Londra – është nën syrin vigjilent të policisë për shkak të terrorizmit, që do të thotë se individi në këtë qytet nuk mund të ndihet i sigurtë.
Bukureshti – Renditet i dhjeti për shkak të krimeve të vogla dhe korrupsionit të përhapur.
Zagrebi – Kryeqyteti kroat, përzgjidhet të listohet kryesisht për shkak të shkallës së korrupsionit.
Riga dhe Roma, vendet 8. dhe 7 – Këto dy qytetet veçohen së bashku lidhur me përhapjen e prostitucionit, krimit të organizuar, si dhe alarmit për sulme të mundshme terroriste.
Madridi – Popullsia e këtij qyteti është e pakënaqur me masat shtrënguese për kursim, për shkak të të cilave protestat janë të shpeshta. Shumë njerëz janë të papunë, ku më të shumtit të rinj.
Budapesti – U godit nga kriza e emigrantëve, e cila është arsyeja për skenat e kaosit në stacionet hekurudhore dhe protestat në rrugë.
Sofia – Ky qytet frymon në një ankth social. Bullgaria është vendi më i varfër në Bashkimin Evropian, dhe në këtë vend mbahen protesta të përditshme kundër qeverisë.
Athina – Pas masave shtrënguese të zgjatura në Greqi, është rritur shkalla e varfërisë dhe papunësisë. Në Athinë janë të shpeshta demonstratat e dhunshme si dhe fluksi i emigrantëve.
Beogradi – Eshtë i parafundit në listën e qyteteve të pasigurta, jo për shkak të krimeve të dhunshme të cilat nuk janë të shpeshta, por për shkak të rryshfetit dhe korrupsionit, vjedhjeve dhe vandalizmit.
Kijevi – Eshtë qyteti më i pasigurt në Evropë, për shkak të rebelimit civil dhe marrëdhënieve me Rusinë. Në Kiev janë të shpeshta vjedhjet, vandalizmi, protestat e dhunshme, në të cilat vriten ose plagosen me qindra njerëz. /tesheshi.com/
