Arkeologët kanë mundur të krijojnë rrjedhën më të saktë deri tani, të zhvillimit dhe rënies së civilizimit Maja, duke ofruar një vështrim të thelluar për arsyet e zhdukjes së këtij populli të lashtë.
Si pjesë e një vëzhgimi të ri në të dhënat arkeologjike për masat, arkeologët analizuan 154 të dhëna me radiokarbon në një vendndodhje të vetme, në pallatin mbretëror Ceibal, që u dogj gjatë kolapsit të majave në shekullin e nëntë. Të dhënat e reja sjellin një kronologji më të saktë, duke treguar sesi ndodhi rënia.
Studimi që pritet të publikohet së shpejti në revistën shkencore “PNAS” tregoi se rënia nisi me shkatërrime të mëparshme më të vogla.
Edhe pse kërkuesit nuk kanë ende një përgjigje të saktë përse majat dhe qytetet e tyre u zhdukën me kaq shpejtësi, analiza e fundit ofron një panoramë më të qartë të dy shkatërrimeve që sollën rënien e një civilizimi që ka kapur gjithmonë vëmendje. /tesheshi.com/
