Një mosmarrëveshje në mes të Komunës së Prishtinës dhe një kompanie të menaxhimit të mbeturinave ka bërë që kryeqyteti të bllokohet dhe të kutërboj, për vetëm dy ditë.
Në secilën pjesë të qytetit kontejnerët ishin të stërmbushur nga mbeturinat.
Por dikush që në mënyrë aktive merret me pastrimin e qytetit nga të tjerët po del të shihet si e sëmurë mentale.
Valbona Mustafa është një qytetare aktive në pastrimin e qytetit, ajo tregoi në emisionin “Ju flet Prishtina” të Klan Kosovës se është quajtur e sëmurë mentale nga qytetarë kur e kanë parë në parkun Gërmia duke mbledhë mbeturina vetë.
Ajo shtoi se ka pasur qytetarë të tillë që e kanë pyetur në disa raste nëse ka qenë nën ndikimin e narkotikëve derisa e shihnin se kjo po pastronte mbeturinat që ata i hidhnin në park para syve të saj. Madje, me të drejtë ajo dyshon se një pjesë e banorëve të vendit kanë frikë nga shportat. /tesheshi.com/
