Fatos Sadrijaj nga fshati Cerkolez i Komunës së Istogut ka shkuar në pushime bashkë me familjen në Shëngjin për t’i kaluar pushimet verore, por atë natë që ka mbërritur i është vjedhë vetura. Vetura e tij ishte e tipit “Mercedes 250, e vitit 1986 me ngjyrë e kuqe e mbylltë apo ngjyrë vishnje.
Ai. për portalin tesheshi.com ka rrëfyer rastin, ndërsa mbetët më shpresë që policia shqiptare të angazhohet për të gjetur veturën e tij, ose të paktën t’i kompensohet ndonjë gjë, pasi që disa oficerë të policisë i kanë folur për një mundësi ligjore ku atij ndoshta mund t’i jepet ndonjë kompensim.
“Me datën 16 gusht kam ardhur në Shëngjin me familje dhe jam vendosur në afërsi të portit afër parking Adriatiku i vjetër. Jam vendos në një banesë afër plazhit dhe e kam parkuar veturën në një hapësirë afër banesës. Shefja e banesës më ka thënë se mundesh me e parku edhe mos me u merakos, por vetëm ta lë hapësirën sa me pas mundësi me kalu këmbësorët. E kam parkuar në mbrëmje dhe para se me fjet e kam kontrolluar edhe një herë rreth orës ora 24:00. Por në mëngjes kur kam dalë ne ora 6 e 30 e kam vërejtur se nuk është vetura”, rrëfen Sadrijaj.
Ai thotë se menjëherë e ka lajmëruar policinë dhe tash është në kontakt me ta dhe se po punohet për ta gjetur veturën, ndërsa thotë t’i ketë dokumentet që e vërtetojnë pronësinë e veturës, pasi që i ka marrë me vete.
“I kam thirrur policinë pasi që kam menduar se ma kanë tërhequr me mjet transportues, por policia më ka thënë se nuk e kanë tërhequr edhe menjëherë kam shkuar në stacion policor në afërsi prej 50-70 metra prej vendit të ngjarjes është stacioni. Disa nga banorët kanë thënë se kanë dëgjuar një zhurmë rreth orës tre të mëngjesit, por nuk e kanë ditur se për çka bëhet fjalë. Në këtë vend ka edhe kamera dhe policia më kanë thënë se i kanë marrë incizimet për t’i parë. Disa prej policëve që janë marrë me rastin kanë qenë më neglizhent, ndërsa disa më të mirë dhe janë duke u marrë me rastin. Me kanë thënë se e kanë lajmëruar edhe Policinë e Kosovës, ndërsa kanë kontrolluar edhe pikat kufitare se mos ka kaluar vetura dhe ka rezultuar se vetura nuk ka hyrë në Kosovë, gjithashtu kanë lajmëruar edhe pikat ku shitet hekuri për veturën e vjedhur”, u shpreh Sadrijaj.
Ai thotë se edhe pse vërehen kontrolle dhe lëvizje të mëdha policesh me uniforma dhe policë civilë, prapë kanë ndodhur raste vjedhjesh, veturash dhe sendesh të tjera.
Në lidhje me këtë rast, dje tesheshi.com i ka dërguar pyetje zyrës për informim të Policisë së Kosovës se a kanë pasur kontakt me policinë shqiptare dhe a është informuar për këtë rast, por deri më tani nuk ka marrë përgjigje. /tesheshi.com/
