Kryetari i PDK-së, Kadri Veseli gjatë ditës së dytë të fushatës për Prishtinën i është refuzuar përshëndetja nga qytetarët.
Veseli nuk ka marrë veç shtrëngim duarsh nga qytetarët siç ndodh rëndom, apo siç jemi mësuar t’i shohim në fotot e postuara në rrjetin social të tij apo të partisë që udhëheq ku pasqyrohet se pritet me dashamirësi nga qytetarët.
Një i moshuar teksa Veseli me kandidatin e PDK-së për Pishtinën, Lirak Çelaj, po vizitonin bizneset nëpër kryeqendër, nuk i ka dhënë dorën.
“Ikë se fet e keni bo”, ia ka kthyer plaku Veselit duke mos ia dhënë dorën, shkruan “Zëri”.
Ndonëse plaku ka nisur të ecë rrugës së tij, truproja e Veselit e ka ndjekur pas duke kërcënuar dhe shtyrë plakun. /tesheshi.com/
