Një qytetar i Kosovës ka denoncuar në FB aktin e shëmtuar të gjuajtjes me armë nëpër dasma; kjo pasi në oborrin e shtëpisë së tij ka përfunduar një plumb nga të shtënat, që për fat ka përfunduar në tokë e jo në ndonjë trup njerëzor që mund të kishte qenë më pasoja fatale. (Fotoja me plumb është publikuar nga vetë ai).
I irrituar me të drejtë, qytetari ka ashpërsuar gjuhën ndaj atyre njerëzve që përdorin alltitë në dasma, pa menduar gjatë se ç`pasoja mund të sjellin, edhe pse janë të shumta rastet kur dasmat janë shndërruar në mort, për shkak të të shtënave me armë në dehje e sipër, prej pijes apo prej një euforie të shfrenuar gazmendi për çiftin e ri.
Edhe pse e ndaluar me ligj, edhe pse i denoncuar me logjikë njerëzore e sociale, ky traditë e mbrapshtë ende vijon të ketë ithtarët e vet si mbajtës gjallë të saj. /tesheshi.com/
