Nëse doni të pini qumësht, por nuk doni laktozë, atëherë për ju ka dalë në treg qumështi i bizeles. “Ripple Foods” ka krijuar një qumësht derivat të legumeve, që përmban proteinat e bizeleve të verdha.
Bizelet e verdha thahen dhe ndahen përgjysmë me dorë ose makineri. Bizelet e verdha janë të lehta për t’u rritur sepse e marrin të gjithë ujin që i nevojitet nga reshjet e shiut dhe mund të prodhojnë vetë nitrogjenin që u duhet nga ajri, që do të thotë se nuk kanë nevojë për fertilizues.
Duke folur për “TechCrunch”, Neil Renninger, një nga bashkëthemeluesit e “Ripple Foods” tha: “Kur bëhet qumësht nga ushqime me proteina, nuk ka shije, pasi vetë proteinat nuk kanë shije. Nëse i heq proteinat nga molekulat e ngjyrës dhe ato të shijes, mund të marrim një bazë pa shije dhe mund ta formulojmë nga fillimi”.
Ky qumësht ka 8 gramë proteina në shishet e tij 1.36 litra, më shumë sesa në qumështin e lopës. Gjithashtu, ka gjysmën e sheqerit të qumështit të zakonshëm, 50% më shumë kalcium dhe 1/6 e yndyrës. /tesheshi.com/
