Hollandë. Ja një mënyrë inovative për t’i bërë bletët të lumtura: 100% maskë e biodegradueshme me fara lulesh, gati për mbjellje!
Ideuesja e kësaj shpikjeje fantastike është Marianne de Groot-Pons, një dizajnere grafike që jeton dhe punon në Utrecht, Hollandë.
Kjo maskë për fytyrën mbron njësoj si maskat prej pëlhure shtëpiake. Kjo do të thotë që ato mund të përdoren në kombinim me një maskë tjetër farmaceutike për një mbrojtje më të madhe. Materiali është prej letër orizi dhe përmban fara lulesh që janë të dukshme.
Në vend të shiritave të ashpra që të vrasin veshët, kjo maskë ka kordona të butë të bërë nga leshi i pastër i deleve. Farat e luleve mbeten në maskë duke përdorur një ngjitës të veçantë që është bërë nga uji dhe niseshteja e patates. Dhe përveç të gjithë materialeve të tjerë të qëndrueshëm nga të cilët është bërë maska e biodegradueshme, edhe logoja është shkruar me një bojë të veçantë të qëndrueshme.
Për rezultate më të mira, këto maska duhet të groposen në bahçe ose në një vazo. Sigurisht që mund t’i hedhim edhe në kosh plehrash dhe ato do të dekompozohen vetvetiu në deponinë në të cilën do të transportohen, por atje ka shumë të ngjarë që ata të mos kenë mundësi t’i shndërrojnë këto fara në lule të bukura. /tesheshi.com/
