Naim Suleymanoglu, i quajturi “sportist i shekullit” në Turqi, ka ndërruar jetë në moshën 50-vjeçare në një spital të Stambollit. Quhej ndryshe dhe “Herkul”.
Ai kishte kryer një transplant në mëlçi, nga një sëmundje prej së cilës vuante, por që nuk ja ka dalë dot.
Suleymanoglu ishte peshëngritësi i parë i cili kishte arritur të fitojë medalje të artë në tre lojëra të olimpike radhazi duke qenë njëherësh dhe 7 herë fitues i kampionatit botëror, 6 herë i atij europian, dhe me 46 rekorde botërore të thyera.
Dhe paksa ngjashëm me Piro Dhimën, ai edhe pse kishte lindur në Bullgari, në moshën 15-vjeçare kalon në Turqi duke mbrojtur ngjyrat e atdheut të tij, pasi i përkiste pakicës turke. /tesheshi.com/
