Partia Demokratike ka kërkuar ditën e sotme që Kryeministri Edi Rama të përjashtohet nga Kuvendi, për shkak asaj që vetë partia opozitare më e madhe në Shqipëri e cilëson si “përdorimi i fjalorit të ulët gjatë seancës së sotme”.
PD shprehet se sjellja e Ramës sot në Kuvend ka qenë e paprecedentë dhe gjuha që ai ka përdorur cenon dinjitetin e deputetëve. Demokratët zyrtarizuan kërkesën e bërë në Kuvend rreth orës 16:00, kur dorëzuan në Byronë e Kuvendit kërkesën për përjashtimin e Ramës për 10 ditë.
Vetë Rama iu është drejtuar deputetëve demokratë duke u thënë: “thirrini mendjes dhe provoni që nuk jeni tufë lulesh por që jeni njerëz që keni barrën e madhe dhe peshën e jashtëzakonshme të reformës”. /tesheshi.com/
