Presidenti Trump ka reaguar për herë të parë pas një furie akuzash ndaj për racizëm. Shkak u bënë disa komente të kreut të Shtëpisë së Bardhë ditë më parë në Zyrën Ovale, ku, duke u diskutuar një ligj mbi emigracionin, ai i quajti disa vende afrikane si dhe Haitin, si vende “qenef”, e duke vlerësuar nga ana tjetër norvegjezët si të denjë për të qenë emigrantë SHBA.
“Unë nuk jam racist. Unë jam personi më pak racist që keni intervistuar ndonjëherë”, u tha Trump gazetarëve në Florida.
Trump e nisi presidencën e tij me urdhër-ndalimi për shtetast e shtatë vendeve muslimane që të hynin në SHBA, gjithashtu me ndërtimin e një muri me Meksikën, dhe deklaratat e tij të fundit me theks përçmues ndaj disa vendeve e popujve të tyre, janë marrë si tregues i tipareve ksenofobe të tij. /tesheshi.com/
