Spitali Universitar Nënë Tereza ka hapur dyert për ata mjekë dhe specialist, të cilët kërkojnë një vend pune në qendrën kryesore spitalore në Tiranë.
Institucioni ka shpallur një sërë vendesh vakante, ku përfshihen punë si mjek kardiolog, i sëmundjeve të brendshme, neurolog, etj. Duket se mungesa e mjekëve në qendrat spitalore nuk është problematike vetëm në rrethe, por edhe në Tiranë.
Gjatë javëve të fundit është ngritur shqetësimi se mjekët shqiptarë po largohen jashtë vendit, kryesisht në Gjermani.
Vendet vakante në QSUT
-Mjek pranë Njësisë së Imazherisë në Shërbimin e Imazherisë dhe Mjekësisë Nukleare, Poli i Administrimit të Integruar të Spitalit Polivalent.
-Mjek pranë Shërbimit të Reanimacionit të Kardiologjisë, Poli i Administrimit të Integruar i Sëmundjeve të Brendshme
-Mjek pranë Urgjencës së Sëmundjeve të Brendshme, Poli i Administrimit të Integruar të Spitalit Polivalent
-Mjek neurolog pranë Shërbimit të Neurologjisë, Poli i Administrimit të Integruar të Spitalit të Neuroshkencës
-Specialist, Koordinator me Pacientin pranë Poleve të Administrimit të Integruar në QSUT
– Specialist /inxhinier biomedikal pranë Sektorit të Inxhinierisë Klinike në Drejtorinë e IT dhe Inxhinierisë Klinike në QSUT
Specialist pranë “Sektorit të Marrëdhënieve Ligjore” në Drejtorinë Juridike në QSUT
-Specialist pranë Sektorit të Ndjekjes së Investimeve dhe Mirëmbajtjes Ndërtimore në Drejtorinë e Shërbimeve Mbështetëse në QSUT. /tesheshi.com/
