Qoftet mund të konsumohen si të ftohta ashtu edhe të ngrohta. Nëse doni të plotësoni vaktin mund t’i shoqëroni me një sallatë të freskët.
Përbërësit:
200 gr barbunja
100 gr mish i grirë
300 gr gjizë të ëmbël
1 vezë
50 gr bukë
50 gr djathë parmixhan
Bukë të grirë
Përgatitja:
Pastroni barbunjat nga fijet dhe kalojini në një zierje të shkurtër në avull. I prisni në copa shumë të vogla dhe bashkojini me mishin e grirë dhe gjizën. Shtoni aty edhe përbërësit e tjerë dhe përziejini të gjitha bashkë.
Rregulloni shijen me kripë e piper. Lëreni brumin të pushojë për 30 minuta në frigorifer. Formoni me të toptha të vegjël dhe vendosini në një tavë me letër pjekjeje.
Shtoni pak vaj ulliri dhe vendosini të piqen për 30 minuta në furrën e parangrohur në 180 gradë. /tesheshi.com/
