Katër njerëz u vranë në zjarret që ndezën në Qipro për të dytën ditë me radhë, duke shkatërruar zona të mëdha pyjesh.
Katër persona u gjetën të vdekur të dielën dhe zyrtarët thonë se është zjarri më i keq në pyje në historinë e vendit, raporton Reuters.
Zjarri, i intensifikuar nga erërat e forta, preku të paktën dhjetë komunitete në një zonë prej 50 kilometrash katrorë në këmbët e vargmalit Troodos, një zonë e pyllit me pisha dhe shkurreve të dendura të rritura.
Ndihma po vjen nga Greqia dhe Italia
Viktimat, që besohet të jenë shtetas egjiptianë, u gjetën afër Odou, një komunitet malor në veri të qyteteve të Limassol dhe Larnaca.
“Të gjitha indikacionet janë se këta janë katër persona që janë zhdukur që dje,” tha Ministri i Brendshëm Nicos Nouris.
Komisioni Evropian ka njoftuar se avionët e zjarrfikësve po vijnë për të ndihmuar nga Greqia dhe Italia gjithashtu planifikon të vendosë forca.
Sateliti Copernicus u aktivizua gjithashtu për të vlerësuar dëmet në zonat e prekura, tha KE në një deklaratë.
Policia po merr në pyetje 67-vjeçarin
“Eshtë zjarri më i keq në pyje në historinë e Qipros,” i tha Charalambos Alexandrou, drejtori i Departamentit të Pyjeve, për televizionin qipriot.
Zjarrfikësit po përpiqen të ndalojnë flakën përpara se ajo të përfshijë zonën Machairas, një pyll me pisha dhe një nga majat më të larta në Qipro.
Shkaku i zjarrit që shpërtheu të shtunën është i panjohur për momentin.
Temperaturat në Qipro kanë tejkaluar 40 gradë në ditët e fundit dhe policia njoftoi se po merr në pyetje një 67-vjeçar në lidhje me zjarrin. /tesheshi.com/
